ഓരോ ദിവസവും ആശങ്കയിലായിരുന്ന കാസര്കോട് ജില്ല ആശ്വാസ നാളുകളിലൂടെയാണ് ഇപ്പോള് കടന്നുപോകുന്നത്. രോഗബാധിതരുടെ എണ്ണവും കാസര്കോട് ജില്ലയില് കുറഞ്ഞു വരികയാണ്. ട്രിപ്പിള് ലോക്ക് ഡൗണ് പ്രഖ്യാപിച്ചിരിക്കുന്ന കാസര്കോട് ജില്ലയില് പൊലീസ് കര്ശന നിയന്ത്രണങ്ങള് തുടരുകയാണ്.
ആരോഗ്യ വകുപ്പ് പെരിയ ഹെല്ത്ത് സെന്റര് കേന്ദ്രീകരിച്ച് സമൂഹ സാമ്പിള് ശേഖരണം ആരംഭിച്ചു കഴിഞ്ഞിട്ടുണ്ട്. ഇന്നലെ മാത്രം 200 പേരുടെ സാമ്പിളാണ് ഇവിടെ നിന്നും ശേഖരിച്ചത്. വരും ദിവസങ്ങളില് ഇത് കാസര്കോഡേയ്ക്കും വ്യാപിപ്പിക്കാനാണ് അധികൃതരുടെ തീരുമാനം.