‘അഞ്ച് മിനിട്ട് എഴുന്നേറ്റു നിന്ന് മോദിയെ ആദരിക്കണമെന്ന് ആഹ്വാനം ചെയ്ത് ചില ക്യാമ്പയിനുകൾ നടക്കുന്ന കാര്യം ശ്രദ്ധയിൽപ്പെട്ടു. ഇത് മോദിയെ വിവാദങ്ങളിലേക്ക് എത്തിക്കാനുള്ള ഒരു കാര്യമായാണ് തോന്നുന്നത്. അഥവാ മറിച്ചാണെങ്കിൽ, ഇതിനു പകരം പാവങ്ങളെ സഹായിക്കുകയാണ് വേണ്ടത്. എനിക്ക് അതിലും വലിയ ആദരം കിട്ടാനില്ല’. മോദി ട്വിറ്ററിൽ കുറിച്ചു.
മാർച്ച് 22ന് പ്രധാനമന്ത്രി ജനത കർഫ്യൂ പ്രഖ്യാപിച്ചിരുന്നു. അതേ ദിവസം ആരോഗ്യ പ്രവർത്തകരെ ആദരിക്കാനും അദ്ദേഹം ആവശ്യപ്പെട്ടിരുന്നു. രാജ്യം വലിയ രീതിയിൽ പ്രധാനമന്ത്രിയുടെ ആഹ്വാനം ഏറ്റെടുത്തു നടപ്പാക്കിയ കാഴ്ചയാണ് കാണാനായത്. ഇതിനു പിന്നാലെ അദ്ദേഹം ആഹ്വാനം ചെയ്ത ഐക്യദീപത്തിലും രാജ്യത്തെ ജനങ്ങൾ ഒന്നടങ്കം പങ്കാളിയായിരുന്നു. ഇതോടെയാണ് പ്രധാനമന്ത്രിയെ ഏപ്രിൽ 12ന് വൈകുന്നേരം 5 മണിക്ക് 5 മിനിട്ട് എഴുന്നേറ്റ് നിന്ന് ആദരിക്കണമെന്ന ക്യാമ്പയിനുകൾ സമൂഹ മാദ്ധ്യമങ്ങളിൽ ശക്തമായത്.