കഴിഞ്ഞ 24 മണിക്കൂറിനിടെ 1,334 പുതിയ കേസുകളാണ് റിപ്പോർട്ട് ചെയ്യപ്പെട്ടിട്ടുള്ളത്. 27 പേർ മരിച്ചു. ഇതോടെ കോവിഡ്-19 മൂലം തരാജ്യത്ത് മരിച്ചവരുടെ എണ്ണം 507 ആയതായും അദ്ദേഹം പറഞ്ഞു.
ഗുരുതരാവസ്ഥയിലായതോ അതീവ ഗുരുതരാവസ്ഥയിലായതോ ആയ രോഗികളെ പരിചരിക്കാൻ രാജ്യത്ത് 755 കോവിഡ് ആശുപത്രികളും 1,389 കോവിഡ് ആരോഗ്യ കേന്ദ്രങ്ങളുമുണ്ടെന്നും അദ്ദേഹം പറഞ്ഞു.
ഇതുവരെ 3,86,791 ടെസ്റ്റുകൾ നടത്തിയിട്ടുണ്ടെന്ന് ഐ.സി.എം.ആർ. വക്താവ് ഡോ. രമൺ ആർ ഗംഗാഖേദ്കർ പറഞ്ഞു. 37,173 ടെസ്റ്റുകൾ നടത്തിയത് ശനിയാഴ്ചയാണ്. ഇതിൽ 29,287 ടെസ്റ്റുകൾ ഐ.സി.എം.ആർ. ലാബുകളിലും 7,886 ടെസ്റ്റുകൾ സ്വകാര്യമേഖലകളിലെ ലാബുകളിലുമാണ് നടത്തിയതെന്നും അദ്ദേഹം വ്യക്തമാക്കി.
