സംസ്ഥാനത്ത് 12000ത്തിലധികം വിദ്യാര്ത്ഥികളാണ് ഹയര്സെക്കണ്ടറി എസ്എസ്എല്സി വിഭാഗങ്ങളില് സ്കൂള് മാറി പരീക്ഷയെഴുതാന് തയ്യാറെടുക്കുന്നത്. ഇതില് 10000ത്തിനടുത്ത് ഹയര് സെക്കന്ഡറി വിദ്യാര്ത്ഥികളാണ്. ഈ കുട്ടികളെയെല്ലാം പരീക്ഷാ ഡ്യൂട്ടിക്കെത്തുന്ന അദ്ധ്യാപകര്ക്ക് പരിചിതരല്ല.
ഇവരെല്ലാം മാസ്ക്ക് ധരിച്ച് വിദ്യാലയത്തിലെത്തുന്നതിവാല് ആള്മാറാട്ടം നടന്നാല് പോലും കണ്ടെത്തുക പ്രയാസമെന്നാണ് അദ്ധ്യാപകര് പറയുന്നത്. ഇത്തരം കുട്ടികളെ തിരിച്ചറിയാനുള്ള മാര്ഗനിര്ദ്ദേശം വിദ്യാഭ്യാസം വകുപ്പ് പുറപ്പെടുവിക്കണമെന്നാണ് അദ്ധ്യാപകരുടെ ആവശ്യം.
ഇത് സംബന്ധിച്ച് സര്ക്കാര് മാര്ഗ നിര്ദ്ദേശം പുറപ്പെടുവിക്കാത്ത സാഹചര്യത്തില് ആള്മാറാട്ടം നടന്നാല് അദ്ധ്യാപകര് ഉത്തരവാദികളായിരിക്കില്ലെന്നാണ് ഇവര് പറയുന്നത്.