കുടുങ്ങിക്കിടക്കുന്ന പലർക്കും സ്വന്തം ചെലവിൽ ഇന്ത്യയിലേക്ക് വരാൻ കഴിയില്ല. അതിനാൽ അവരുടെ യാത്രാചെലവ് കേന്ദ്രസർക്കാർ വഹിക്കണം. രാജ്യാന്തര വിമാനങ്ങൾക്ക് ഏർപ്പെടുത്തിയിട്ടുള്ള നിരോധനം കാരണമാണ് പലർക്കും നാട്ടിൽ വരാൻ കഴിയാത്തത്. അതിനാൽ വിമാനക്കമ്പനികൾക്ക് ഏർപ്പെടുത്തിയ വിലക്ക് കുടുങ്ങിക്കിടക്കുന്നവരെ കൊണ്ടു വരുന്നതിനായി നീക്കണം. പ്രവാസികളെ മടക്കിക്കൊണ്ടുവരുന്നതിന് പ്രത്യേകവിമാനമോ ചാർട്ടേഡ് വിമാനമോ അയക്കണമെന്നും ഹർജിയിൽ ആവശ്യപ്പെട്ടിട്ടുണ്ട്.
കോവിഡ് 19 ബാധിച്ച് ഗൾഫ് രാജ്യങ്ങളിൽ കഴിയുന്ന ഇന്ത്യക്കാരെ ചികിത്സിക്കുന്നതിന് പ്രത്യേകസംഘത്തെ അയക്കണമെന്നും ഹർജിയിൽ ആവശ്യപ്പെട്ടിട്ടുണ്ട്. പ്രവാസികൾക്ക് ക്വാറന്റൈൻ സൗകര്യം ഒരുക്കണമെന്ന ആവശ്യവും ഹർജിയിൽ ഉന്നയിച്ചിട്ടുണ്ട്. അഭിഭാഷകൻ എ.കാർത്തിക്കാണ് ഹർജി ഫയൽ ചെയ്തത്. ഹർജി അടുത്ത ആഴ്ച സുപ്രീം കോടതി പരിഗണിച്ചേക്കും.
content highlights: bring back indians trapped in gcc, mk raghavan mp files writ petition at supreme court