കൊറോണ പ്രതിരോധം: സേവന, സന്നദ്ധ പ്രവർത്തനങ്ങളിൽ ബിജെപി സജീവം; എട്ടര ലക്ഷം നമോ കിറ്റുകൾ നൽകി

തിരുവനന്തപുരം: കൊറോണ പ്രതിരോധത്തിന്റെ ഭാഗമായി ഏർപ്പെടുത്തിയ നിയന്ത്രണങ്ങളെ തുടർന്ന്ദുരിതത്തിലായവരെ സഹായിക്കാനും പ്രതിരോധ പ്രവർത്തനങ്ങൾക്ക്  നേതൃത്വം നൽകാനും സംസ്ഥാനത്ത് ബിജെപിപ്രവർത്തകർ സജീവമായി രംഗത്തുണ്ട്. കേരളത്തിൽ സർക്കാർ സംവിധാനങ്ങൾ പ്രവർത്തിക്കുന്നതിൽ കൂടുതൽകാര്യക്ഷമവും സുതാര്യവുമായാണ് കൊറോണാക്കാലത്തെ സന്നദ്ധ പ്രവർത്തനങ്ങളിൽ ബിജെപി ഏർപ്പെട്ടിരിക്കുന്നത്. സർക്കാർ സംവിധാനങ്ങൾ എത്തിപ്പെടാത്തയിടങ്ങളിലും സഹായ ഹസ്തവുമായി ബിജെപി പ്രവർത്തകർ എത്തുന്നു. വലിയ സ്വീകാര്യതയാണ് ഇത്തരം പ്രവർത്തനങ്ങൾക്ക് ജനങ്ങളിൽ നിന്ന് ലഭിച്ചു കൊണ്ടിരിക്കുന്നതെന്ന് ബിജെപിസംസ്ഥാന അധ്യക്ഷൻ കെ.സുരേന്ദ്രൻ പറഞ്ഞു.




സംസ്ഥാനമാകെ ശനിയാഴ്ച വരെ 8.57 ലക്ഷം നമോ കിറ്റുകളാണ് ബിജെപി ദുരിതം അനുഭവിക്കുന്നവരുടെ വീടുകളിൽഎത്തിച്ചത്. ഭക്ഷ്യധാന്യങ്ങൾ, പയർ വർഗ്ഗങ്ങൾ, പലവ്യജ്ഞനങ്ങൾ, മസാല പൊടികൾ, പച്ചക്കറികൾ തുടങ്ങിയവയാണ്നമോ കിറ്റുകളായി നൽകുന്നത്. ഒരു വീട്ടിലേക്ക് ആവശ്യമുള്ള  സാധനങ്ങളാണ് കിറ്റിൽ ഉണ്ടാകുക.




അസുഖ ബാധിതരും ഒറ്റപ്പെട്ടു കഴിയുന്നവരും ആയ നിരവധി കുടുംബങ്ങളും സംസ്ഥാനത്തിന്റെ വിവിധയിടങ്ങളിലുണ്ട്. ഇവരൊക്കെ ലോക്ക് ഡൗൺ കാലത്ത് ഭക്ഷണം ലഭിക്കാതെ കഷ്ടപ്പെടുന്നു. അങ്ങനെയുള്ളവരെ കണ്ടെത്തി അവർക്ക്ഭക്ഷണം എത്തിക്കുന്നതിനും ബിജെപി മുന്നിൽ തന്നെയുണ്ട്. ഇക്കഴിഞ്ഞ മാർച്ച് 27 മുതൽ ഇന്നലെ വരെസംസ്ഥാനത്താകെ 3.25 ലക്ഷം ആളുകൾക്ക് ഭക്ഷണം എത്തിക്കാൻ ബിജെപിക്കായി. അർഹതപ്പെട്ടവർക്കെല്ലാം ഭക്ഷണംലഭിക്കുന്നുണ്ടെന്ന് ഉറപ്പു വരുത്തിയാണ് ബിജെപിയുടെ പ്രവർത്തനം. ലോക്ക് ഡൗൺ കാലത്ത് ഒരാൾക്കും പട്ടിണികിടക്കേണ്ടി വരില്ലന്ന സർക്കാരിന്റെ പ്രഖ്യാപനം അക്ഷരാർത്ഥത്തിൽ നടപ്പിലാക്കി വരുന്നത് ബിജെപിയാണ്.



കൊറോണ പ്രതിരോധ പ്രവർത്തനങ്ങളിൽ ആദ്യം മുതൽ തന്നെ സംസ്ഥാനത്തെ ബിജെപി പ്രവർത്തകർ ഏറെസജീവമാണ്. മാസ്കുകൾ, കയ്യുറകൾ, സാനിറ്റൈസറുകൾ തുടങ്ങിയവ വിതരണം ചെയ്യുന്നതിലും പ്രതിരോധനടപടികൾ എത്രത്തോളം അത്യാവശ്യമാണെന്നും രോഗവ്യാപനത്തിന്റെ ഭീതിയെ കുറിച്ചും ജനങ്ങളെബോധ്യപ്പെടുത്തുന്നതിലും ബിജെപി പ്രവർത്തകർ സജീവമാണ്. ഇതുവരെ സംസ്ഥാനത്തിന്റെ വിവിധ മേഖലകളിൽ 1.12 ലക്ഷം മാസ്കുകളാണ് ബിജെപി വിതരണം ചെയ്തത്. കയ്യുറകൾ, സാനിറ്റൈസറുകൾ എന്നിവയും സ്ഥാപനങ്ങൾകേന്ദ്രീകരിച്ച് നൽകി. കൊറോണക്കാലത്ത് നിസ്വാർത്ഥ സേവനം നടത്തി വരുന്ന ആരോഗ്യ പ്രവർത്തകർ , പോലീസ് ഉദ്യോഗസ്ഥർ, റവന്യൂ ഉദ്യോഗസ്ഥർ തുടങ്ങിയവർക്കാണ് സുരക്ഷാ സാമഗ്രികൾ നൽകിയത്. പൊരിവെയിൽവകവെക്കാതെ റോഡിൽ ജോലി ചെയ്യുന്ന പോലീസ് ഉദ്യോഗസ്ഥർക്ക് ശീതള പാനീയങ്ങളും ഭക്ഷണവും എത്തിച്ച്നൽകി. ബിജെപി പഞ്ചായത്ത്, നിയോജക മണ്ഡലം കമ്മിറ്റികളുടെ ആഭിമുഖ്യത്തിൽ ആരോഗ്യ പ്രവർത്തകരെയുംപോലീസിനെയും ആദരിച്ചു.



സർക്കാർ നിർദ്ദേശത്തെ തുടർന്ന് തദ്ദേശ സ്ഥാപനങ്ങളുടെ നേതൃത്വത്തിൽ തുടങ്ങിയ സാമൂഹ്യ അടുക്കളകൾ ഇപ്പോൾപിടിച്ചു നിൽപ്പിനുള്ള ശ്രമത്തിലാണ്. വളരെ കൊട്ടിഘോഷിച്ചാണ് ഇവ തുടങ്ങിയത്. ആദ്യ ഘട്ടത്തിൽ നിരവധിആളുകൾക്ക് ഇവിടെ നിന്ന് ഭക്ഷണം ലഭിച്ചു. എന്നാൽ രണ്ടു മൂന്ന് ദിവസങ്ങൾ കഴിഞ്ഞപ്പോൾ ഭക്ഷണംനൽകുന്നവരുടെ എണ്ണം കുറച്ചു. അവശരായ പലർക്കും ഭക്ഷണം ലഭിക്കാതായി. പണം ഇല്ലാത്തതു തന്നെയായി ഒന്നുപ്രശ്നം. സർക്കാർ സമൂഹ അടുക്കളക്കായി തദ്ദേശ സ്ഥാപനങ്ങൾക്ക് പ്രത്യേകമായി ഫണ്ട് ഒന്നും നൽകിയില്ല. നിലനിൽപ്പ് പ്രശ്നമായ സമൂഹ അടുക്കളകൾ ജനങ്ങളിൽ നിന്ന് സഹായം തേടി പ്രവർത്തിക്കേണ്ട അവസ്ഥയിലാണ്. അവിടെയും ബിജെപി സഹായത്തിനെത്തി. സംസ്ഥാനത്താകെ കമ്യൂണിറ്റി കിച്ചണുകൾക്കായി വിഭവ സമാഹരണംനടത്തി നൽകാൻ ബിജെപി മുന്നോട്ടു വന്നു. അരിയും പച്ചക്കറിയും പലവ്യഞ്ജനങ്ങളും ശേഖരിച്ച് സമൂഹഅടുക്കളകൾക്ക് നൽകി.കൂടാതെ രോഗികൾ, ഒറ്റപ്പെട്ട് താമസിക്കുന്നവർ തുടങ്ങിയവരെ കൂടുതൽ ശ്രദ്ധിക്കാനുംബിജെപി പ്രത്യേക സംഘത്തെ തയ്യാറാക്കിയിട്ടുണ്ട്. ഇവർക്ക് മരുന്നുകളും മറ്റ് അവശ്യ വസ്തുക്കളും എത്തിച്ച് നൽകുന്നപ്രവർത്തനവും സജീവമാണ്.



കൊറോണ പ്രതിരോധ സന്നദ്ധ പ്രവർത്തനങ്ങൾ ഏകോപിപ്പിക്കാൻ സംസ്ഥാന തലത്തിൽ ബിജെപി സംവിധാനമൊരുക്കിയിട്ടുണ്ട്. വീഡിയൊ കോൺഫറൻസ് വഴി അതാത് ജില്ലകളിലെ പ്രവർത്തനങ്ങൾ ഏകോപിപ്പിക്കുന്നതുംപോരായ്മകൾ ചൂണ്ടിക്കാട്ടി പരിഹരിക്കുന്നതും നിർദ്ദേശം നൽുന്നതുമെല്ലാം ബിജെപി സംസ്ഥാന കാര്യാലയത്തിലെഈ സംവിധാനം വഴിയാണ്. പാർട്ടി സംസ്ഥാന അധ്യക്ഷൻ കെ. സുരേന്ദ്രൻ നേരിട്ടാണ് ഇതിന് നേതൃത്വം നൽകുന്നത്. സംസ്ഥാന ജനറൽ സെക്രട്ടറി അഡ്വ. പി. സുധീർ ആണ് കൺവീനർ. എല്ലാ ദിവസവും വൈകിട്ട്  അതാത് ദിവസത്തെഇത്തരം പ്രവർത്തനങ്ങളുടെ റിപ്പോർട്ട് കേന്ദ്ര നേതൃത്വത്തിനും നൽകും. ജില്ലാ കേന്ദ്രങ്ങളിലും ഏകോപനത്തിന് ജില്ലാഅധ്യക്ഷൻമാരുടെ നേതൃത്വത്തിൽ സംവിധാനം ഒരുക്കിയിട്ടുണ്ട്. ജില്ലാ ജനറൽ സെക്രട്ടറിമാരാണ് കൺവീനർമാർ .


Tags

Post a Comment

0 Comments

Top Post Ad

Below Post Ad