ഹെലികോപ്റ്ററില്‍ രോഗികളെ കൊണ്ടുവരേണ്ടരീതിയും അകത്ത് കിടത്തി കൊണ്ടുവരാനുള്ള സൗകര്യവും കൊറോണ പ്രോട്ടോക്കോള്‍ അനുസരിച്ചാണ് സജ്ജീകരിച്ചിരിക്കുന്നത്. ഒരേ സമയം ആറു പേരെ കിടത്തികൊണ്ടുവരാനുള്ള സംവിധാനമാണ് ഒരു ഹെലികോപ്റ്ററിലുള്ളത്. ഒപ്പം ഓക്‌സിജന്‍ സിലിണ്ടറടക്കമുള്ള സംവിധാനവും ഒരുക്കിയിട്ടുണ്ട്.
രോഗികളെ കിടത്തുന്ന അറയും പൈലറ്റ് ഇരിക്കുന്ന സ്ഥലവും തമ്മില്‍ വേര്‍തിരിച്ചിട്ടുമുണ്ട്. പൈലറ്റുമാര്‍ക്ക് രോഗപ്രതിരോധത്തിനായുള്ള പ്രത്യേക വേഷവും നല്‍കിയാണ് പരിശീലനം നടത്തിയത്. രോഗിയെ ദ്വീപുകളില്‍ നിന്നും എങ്ങനെ സുരക്ഷിതമായി ഹെലികോ പ്റ്ററുകളില്‍ കയറ്റണം. തിരികെ കേരളത്തിലെത്തിയാല്‍ ആംബുലന്‍സുകളില്‍ കയറ്റാന്‍ നേരം സ്വീകരിക്കേണ്ട മുന്‍കരുതലുകള്‍ എന്തൊക്കെയാണ് എന്നിവയും പരിശീലിച്ചു.
