കൊറോണ വൈറസ് വ്യാപനം തടയാന് തീരുമാനിച്ച ലോക്ക് ഡൗണ് കാലാവധി ഏപ്രില് 14 നാണ് അവസാനിക്കുക. എന്നാല് വൈറസ് അനിയന്ത്രിതമായി വ്യാപിക്കുന്നതിനാല് ഒഡീഷയും പഞ്ചാബും ഏപ്രില് 30 വരെ ലോക്ക് ഡൗണ് നീട്ടി ഉത്തരവിറക്കിയിട്ടുണ്ട്. രാജ്യത്തെ കൊറോണ കേസുകളുടെ അടിസ്ഥാനത്തിലാവും ലോക്ക് ഡൗണ് നീട്ടണമോ വേണ്ടയോ എന്ന് കേന്ദ്രം തീരുമാനമെടുക്കുകയെന്നാണ് വിവരം.
അതേസമയം പ്രധാനമന്ത്രിയുമായുള്ള ചര്ച്ചയ്ക്ക് ശേഷം മന്ത്രിമാരുടെ ഉന്നതാധികാരസമിതിയും ഇന്ന് യോഗം ചേരും. ഒറ്റയടിക്ക് നിയന്ത്രണങ്ങള് പിന്വലിക്കുന്നതിനോട് കേരളത്തിനും യോജിപ്പില്ലെന്നാണ് റിപ്പോര്ട്ട്. ഘട്ടം ഘട്ടമായി ഇളവുകള് തീരുമാനിക്കാന് സംസ്ഥാനത്തിന് അനുവാദം വേണമെന്ന് മുഖ്യമന്ത്രി ആവശ്യപ്പെടും. കേന്ദ്ര തീരുമാനം വ്യക്തമായ ശേഷം തിങ്കളാഴ്ച ചേരുന്ന മന്ത്രിസഭായോഗത്തിലാവും കേരളം ഉളവുകള് സംബന്ധിച്ച് അന്തിമ തീരുമാനമെടുക്കുക.